Panettone .... البانتوني
الطريقة : انذوبوا الخميرة مع الماء و الحليب في وعاء و انخلوهم شوية بعدين نزيدوا عليهم مقدار ملعقة كبيرة من كمية السكر و 4 ملاعق كبار من كمية الدقيق ... نخلطوهم كويس و انغطوا الوعاء بالنايلو و انخلوها لين يتضاعف حجمها بعد ما يتضاعف حجم خليط الخميرة ... بالمضرب الكهربائي انضربوا البيض و السكر و بشر الليمون و الفانيليا لين يولو زي الكريمة و انزيدواعليهم خليط الخميرة و انغيروا على العجانة و انضيفوا و الدقيق و المح بالتدريج على سرعة واطية و بعدها الزبدة و انخلوها تعجن لين تتخلط كويس بعدين انزيدوا الفاكهة او الزبيب و لما نتاكدا انها تخلطت كويس انغطوها بالنايلو و انخلوها لين يتضاعف الحجم في مكان دافي ... يعني على الاقل 3 او 4 ساعات بعدها نشكلو العجينة على شكل كورة يعني شبه مساوية من فوق و نحطوها في الطاجين او الورق بعد ما ندهنوا القاع بشوية زيت و دقيق وانخلوها حوالي 4 ساعات في مكان دافي لين تخمر كويس و تولي عالية .. انطيبوها في فن حرارته 140 لو مش قوي و لو قوي 120 لين تتحمر كويس |
المقادير : 3.5كوب دقيق 3 بيضات ¼ فنجان ماء دافيء ¼ فنجان حليب دافيء 2 م . ك خميرة 5 م . ك زبدة رطبة ½ فنجان سكر بشر 2 ليمون او برتقال رشة ملح 2 م . ص فانيليا 1 فنجان اي نوع فاكهة مجففة او زبيب |