Konafa with Cream .... كنافة بالقشطة
الطريقة : اول حاجة نجهزوا القشطة عشان تبرد ما بين ما جهزنا الكنافة في طنجرة نخلطوا الحليب و النشا و السكر على البارد و بعدها على النار لين تغلظ .. نطفوا النار و و نزيدوا ماء الزهر و القشدة و نحركوها و انخلوها تبرد انسخنوا الفرن على 180 و انحطوا الرف في النص ... انقصوا الكنافة باطوال عشوائية غير بش تسهل ان نحطوها في الخلاط نحطوها في الخلاط لين تولي ناعمة نوعا ما و مفككة من بعضها زي في الصورة و نفركوها بيد ايدينا كويس بش نتأطدوا انها مش لاصقة في بعضها نصبو عليها الزبدة و الزيت و نخلطوها كويس لين نتأكدو انها كلها مبلولة كويس و لو حسيتوها جافة زيدوها زبدة او زيت نرصوا افل من نص كمية الكنافة في الطاجيم مع مراعاى ان نعلو الاطراف تفادية لخروج الحشوة انحطوا الحشوة في النص المهم ما تكونش سخونة ... و انغطوها باللي فاضل من الكنافة بس ما نضغطوش هلبة عشان ما تطلعش الحشوة غطوها بورق الومينويوم و بعدها انحطوا فوقها طاجين اصغر بشوية عشان يدير عليها وزن و تمسك بعضها و انطيبوها في حرارة 160 لمدة على الاقل 45 دقيقة و بعدين نشوفها لما تتحمر تماما انطلعوها و نقلبوها في صحن التقديم و انسقوها بالشربات الساخنة و هي ساخنة |
المقادير : 1/2 كيلو كنافة او اكثر بقليل حسب الحجم 1/2 فنجان زبدة ذائبة 1/4 فنجان زيت نباتي القشطة : 2 فنجان حليب كامل الدسم 2.5 م . ك نشا 2 م . ك سكر 1 م . ك ماء زهر علبة قشدة سادة |