Milka chocolate brownies .... براونيز بشكلاطة ميلكا
المقادير :
150 جرام شكلاطة داكنة مقطعة قطع ½ فنجان زبدة مقطعة مكعبات 1 فنجان سكر 2 م . ك كاكاو 3 بيضات ¾ فنجان دقيق 200 جرام شكلاطة ميلكا بالبندق مقطعة قطع الطريقة : نسخنوا الفرن على 160 درجة و نحطوا الرف في النص و نجهزوا الطاجين بدهنه بشوية زيت و انرشو عليه كاكاو او نحطوا ورقة زبدة ... في حمام مائي ( يعني صحن يتحمل حرارة محطوط على طنجرة فيها ماء يغلي على النار ) انحطوا الشكلاطة مع الزبدة و نخلوها لين اذوب تماما بعدين نحولوها من فوق الطنجرة و نطفو النار ... انضيفو عليها الكاكاو و السكر و نحركوها بالمضرب اليدوي شوية و انضيفو البيض بالوحدة و نضربوها شوية بعدين نضيفوا الدقيق و بعدين نخلطو معاها 3/4 كمية شكلاطة ميلكا انحطوا الخليط في الطاجين و انرشوا اللي فاضل من الميلكا ... انقصوا الحرارد لل120 درجة لو الفرن قوي و لل 140 لو مش قوي و انطيبوها لمدة 40 دقيقة على الاقل او لين يطلع العود شبه نظيف.. ما تخلوهاش اطيب هلبة بعدين تنشف و تولي يابسة ... الاحلى انها توتكل ساخنة مع اي نوع جيلاطي تحبوه بس حتى مع القهوة او الحليب ولا احلى ^___^ |